同撈同煲 (堅拿道西)

營業中

休息中

作為一個火鍋控，點會未食過九龍城同撈同煲火鍋😎之前一直幫襯開九龍城店，而家銅鑼灣都有，約埋住港島嘅朋友去刷餐勁！同九龍城分店一樣，裝修以舊香港為主題，而個人覺得銅鑼灣更有feel👍🏻店內環境非常舒服闊落，仲有大量卡位，同多啲朋友嚟都唔怕。最抵讚係佢哋每個店員都好有禮貌又主動😆湯底方面我哋就揀咗胡椒豬肚少爺雞湯，一嚟到已經聞到好濃郁嘅胡椒味。湯底飲落都覺得好足料👍🏻湯底會跟半隻少爺雞，食落都非常嫰滑，同胡椒湯底非常夾😜打邊爐邊少得牛肉，今次同朋友就試咗半份特級手切牛肉，份量俾想像中多，兩個人好夠食👍🏻牛味非常濃，肉質鮮嫩，唔洗點醬都已經夠晒好味😋仲有我好鍾意嘅澳洲和牛牛丸，牛味好濃，仲做到有爆汁嘅效果😆羊肉片都要左半份，羊羶味恰到好處，好大片，份量又多，而且非常嫰滑，下次再嚟要叫夠一份😜 另外仲叫咗娃娃菜，芝士豆腐同稻庭烏冬，好豐富。呢度仲有唔同嘅懷舊小食，連蝦多士都有🦐多士整得非常香脆，點埋甜酸汁提升蝦嘅鮮味，好正😙打完邊爐之後，店員送上甜品，懷舊糖不甩係兩條鯉魚形狀嚟㗎，放入個鍋入邊煮，開頭見到仲諗住會唔會好怪，因為會覺得兩隻味會好唔夾，但煮咗出嚟撈埋啲花生粒就出奇地好味😆👍🏻另外仲