醉瓊樓酒家

營業中

休息中

想體驗舊香港嘅情懷，呢一間酒家意外地係唔錯嘅選擇因為返工臨時要搵地方食飯，所以求其就行咗入呢一間酒家。行入去之後直頭覺得自己好似入咗時光隧道，返返去香港嘅70年代。無論係入邊嘅人嘅年紀，或者係啲侍應，成個裝修格局，加埋場入面大大小小的工具，冇一樣野唔係舊香港嘅嘢午餐都算幾多選擇，叫咗個番茄牛肉飯，同埋一個鴨髀湯飯。個人認為鴨髀湯飯唔錯，同埋喺我哋嗌完之後，個侍應轉頭即刻話已經冇晒鴨髀湯飯，相信呢一味菜式係呢間酒家係相當受歡迎？而佢嘅性價比都算唔錯。至於個番茄牛肉飯，汁略嫌多咗啲～不過材料算新鮮就冇乜所謂啦。意外地飯後居然仲有紅豆沙送，陳皮味好濃。夾埋一百蚊左右埋單，仲要有糖水送，係灣仔區來講算相當抵食。