鳳城酒家 (已結業)

往年長輩生日時都會去鳳城食餐飯慶祝，近幾年就鍾意試新野，食下蒸氣鍋、fusion菜今年決定返黎懷舊一下！食返傳統中菜，當然要叫片皮鴨品嚐啦，肉質鮮嫩，鴨皮夠脆，好多時酒樓上菜鴨肉都會凍晒，慶幸呢度上碟後仍然夠熱👍🏼正！再黎就係沙鍋雲吞雞，個湯底同小棠菜都好鮮甜，而雞肉又唔會鞋口，雲吞亦充滿肉汁，絕對值回票價👍🏼難得返黎鳳城開飯，當然一早預訂左個西米布甸做飯後甜品啦😛個種味道依舊不變，甜而不膩，最合我心意！