影片
更多
2022-01-20
227 瀏覽
之前係疫情稍為緩和嘅時候，約咗好朋友到銅鑼灣呢一間《九龍城同撈同煲火鍋》嘅餐廳打邊爐。餐廳嘅裝修非常之懷舊，既有瓷磚地板、亦有霓虹光管嘅裝飾，感覺就有如入咗七、八十年代嘅餐廳，打卡簡直係一流。由於有疫情，所以餐廳一衛生都做得好足 喺食嘢之前試都會用滾水幫我哋沖一沖， 務求令大家食得安心。今次選擇咗一個最啱冬天滋補又養生嘅花雕醉美人鍋( 醉雞鍋) 呢一個醉雞湯底用料十足有紅棗 淮山杞子 黨參 等藥材 食完之後行氣活血，個人暖笠笠。而雞件就 用瓦煲另外分上， 保證每一件雞都可以將火侯拿捏得最好食到最嫩滑最多汁juicy嘅雞件。一開始就叫咗一個珍寶 帶子刺身肉質鮮甜而且相當新鮮， size亦都算幾大隻， 已80蚊兩隻嚟講嘅價錢來說， cp值都算高。呢度除咗打邊爐之外，餐前嘅小吃質素亦都相當高。呢一個蝦多士，炸到脆卜卜，而且又唔會太過油膩。蝦肉夠彈牙，點埋酸甜汁 ，非常之開胃。呢一個特級手切牛肉，色澤紅潤，而且雪花分佈平均 。入口相當軟熟，滾幾十秒就食得， 皆因夠曬新鮮。脆炸響鈴非常之有豆味， 即叫即炸，無論係即刻食都好，又或者用嚟打邊爐都係同樣美味。另外唔少得嘅就梗係嗌返杯啤酒啦， 呢隻我大
餐廳嘅裝修非常之懷舊，既有瓷磚地板、亦有霓虹光管嘅裝飾，感覺就有如入咗七、八十年代嘅餐廳，打卡簡直係一流。
由於有疫情，所以餐廳一衛生都做得好足 喺食嘢之前試都會用滾水幫我哋沖一沖， 務求令大家食得安心。
今次選擇咗一個最啱冬天滋補又養生嘅花雕醉美人鍋( 醉雞鍋) 呢一個醉雞湯底用料十足有紅棗 淮山杞子 黨參 等藥材 食完之後行氣活血，個人暖笠笠。
而雞件就 用瓦煲另外分上， 保證每一件雞都可以將火侯拿捏得最好食到最嫩滑最多汁juicy嘅雞件。
一開始就叫咗一個珍寶 帶子刺身肉質鮮甜而且相當新鮮， size亦都算幾大隻， 已80蚊兩隻嚟講嘅價錢來說， cp值都算高。
呢度除咗打邊爐之外，餐前嘅小吃質素亦都相當高。呢一個蝦多士，炸到脆卜卜，而且又唔會太過油膩。蝦肉夠彈牙，點埋酸甜汁 ，非常之開胃。
呢一個特級手切牛肉，色澤紅潤，而且雪花分佈平均 。入口相當軟熟，滾幾十秒就食得， 皆因夠曬新鮮。
脆炸響鈴非常之有豆味， 即叫即炸，無論係即刻食都好，又或者用嚟打邊爐都係同樣美味。
另外唔少得嘅就梗係嗌返杯啤酒啦， 呢隻我大大杯嘅Hoegaarden選擇， 花香味十足，打邊爐傾下偈就最啱。
最後就送咗兩盒甜品， 分別係懷舊嘅啫喱， 上面仲插住一支喺以前舊式茶樓先會見到嘅遮仔，令人諗返起童年嘅回憶。
除此之外亦有呢款糖不甩， 花生同芝麻碎非常香口，而且甜度又適中， 簡直令成餐晚飯都非常之完滿呀。
張貼
