蓮香居 (已結業)

今日去咗呢間幾出名既茶樓飲茶。我同朋友兩個人嗌咗五個點心嚟試。佢既蝦餃唔算大粒，一口size，蝦肉彈牙，皮唔厚。燒賣既size同蝦餃差唔多，餡料結實足料。鳳爪味道好好，醬料好香。腸粉我地原本想揀豬潤腸，可惜賣晒唯有試個蝦，啲蝦都幾大隻，腸粉幾滑。最後個牛肉球都唔錯，唔會好硬，食到有陳皮香。呢間茶樓既點心唔錯，再加上懷舊既裝修同埋係推車仔賣點心，真係值得一試!