Layback Cafe & Bar

營業中

休息中

真係比呢間Layback Cafe & Bar既懷舊風吸引到啦。 呢度好近Time square, 上到黎係好特別既體驗。 周圍都擺滿珍藏舊黑膠唱片不特止，仲有個好靚既大枱位打卡一流。 今日同朋友上到黎，佢個餐牌好有特色，唔係一般cafe既普通意粉雞翼。小食我地先叫左個香炸大澳虎蝦乾伴龍蝦汁。 黎到賣相好靚，仲要蝦乾竟然可以咁大隻炸黎食，都好爽脆又唔硬。 夾埋龍蝦汁超正。跟住叫左生拆蟹粉拌韓國年糕配蒜蓉酸種包。 原來韓式年糕咁煮法係咁好食，蟹粉超香，再加埋厚厚既蒜蓉揸係酸種包度，香到爆又勁好味。另外仲有原條龍蝦尾窩夫伴芒果，龍蝦尾好爽脆新鮮，而且個窩夫又夠鬆軟，成個配搭都好襯。佢地既smoothie 都好正，我地叫左tropical sunshine, 果肉勁香又夠濃。最後食埋紫薯麻糬巴斯克蛋糕，勁香紫薯味，好似食雪糕咁綿滑，又有麻糬既質感。 最正係佢唔太甜。呢間cafe既水準真係好正，我地食到超飽，下次都要再黎食過。