麥生記冰室

營業中

休息中

放假過黎行山順便試下網上推薦既港女茶餐廳，黎到唔算好多人，有位可以直入。餐廳唔算大，入面有十張枱，戶外仲有三張。留意返寵物唔可以帶入去，要坐出面架。港女下午茶應該係三人餐，$156包左三杯飲品，望落去份量都幾多。其他單點飲品就有啲貴，好似忌廉溝鮮奶就要$42啦。無事我出返去飲杯珍奶先🤣我地得兩支公就無點到港女下午茶，食左個炸魚薯條下午茶餐同魚蛋米。味道就正常茶餐廳咁，不過不失啦。魚蛋米啲料有啲少，得三片薄片，但$40差唔多啦～上飲品果時就有啲失望啦，我地點咗杯熱朱古力，上到黎杯朱古力上面浮滿曬油。同個侍應講叫佢換過杯。茶水師傳好燥講朱古力係咁架啦，無換到。然後由另一位阿姨原杯拎返比我地，問佢係咪唔換得佢都唔出聲就咁放低就走。隔左陣又有個後生仔行黎話唂咕係咁架。姐係咁，熱朱古力或者唂咕都飲過架，浮滿油既都係第一次見😅怕佢污糟最後飲到，搭船肚痛就大件事。反正行山有帶水。