嚐囍煲仔小菜

營業中

休息中

一年前已經同屋企人去食過 環境迫 坐得唔太舒服仲要硬板櫈 老人家們坐得有啲辛苦 地下又跣 餐具就真係陳年舊跡咁 嘢食就真係好普通唔係特別好食 正常發揮 不過有啲少份量同埋有啲會好咸 都明出去食飯係會重味 不過佢係真係過份重味😐😐😐咸到係我親戚食得好濃味嘅都覺得咸 要唔要試就真係大家自己諗啦最頂唔順都係啲態度 今年朋友話想食 咁我打去book 電話一通咗我話［唔該我想book枱］換嚟嘅係一個啊嬸離遠個電話講咗句［打嚟book枱喎 幾多人幾時又唔講點book啊］佢講完先斯斯然用啲好西嘅態度問我details 首先打電話係可以查詢/叫外賣 我話你知我要book枱都係想俾個reference你知我目的係咩 第二唔知佢係想唔想我聽到其實 一係你就收線先雕 依家又要俾我聽到 咁不如你直接係個電話同我講 洗乜偷偷摸摸咁啫 最後我都未問完我要問嘅嘢 佢就cut咗我線 服務態度咪就係咁囉 上年去食啲staff全部都當啲客冇到㗎 舉手冇人理 睇到扮睇唔到 做嘢又甩漏 你叫佢做嘢俾埋面色你睇 都係個句啦 你哋自己衡量🫥🫥🫥呢個係我個人經歷啫