甜姨姨 (煙廠街)

營業中

休息中

如果你想搵間坐得舒服既甜品店同朋友傾計，建議小方糖，he she eat或嚐糖都好過佢。 同友人共3人，一入去坐低就被要求調臺，原因是後面有4位客人剛進店。於是，我地被調到2人臺，面向牆壁兼友人坐廁所門外。 點完餐，因友人經常被撞到，見有空位問可否調臺，被告知如有4位客人進店都要再次調臺，我地話ok，但見其實有其他兩位客人坐緊4人臺。 食物方面，我地點左一個黑芝麻，一個milo，裝飾幾靚，但食到一半已變成水，應該是下面食材導致。黑芝麻下半部分是豆腐花，milo同樣是食到一半變成水，所以睇唔到有咩。 食完放低匙羹侍應即刻過來收，再回頭催促埋單交臺，但比錢時見到店裡其實有空臺。如果有限時30分鐘，建議列明，以免誤會。 總結，如果想食冰的話，同樣價錢以食物質素和服務對比，建議shari shari和he she eat，坐得舒適不在話下，亦不用比錢受氣。