摩芽雞蛋仔

營業中

休息中

賣到二三十蚊嘅雞蛋仔，冇錯係好多花款，又唔同顏色又喺中間擺唔同嘢咁，可惜本末倒置，連普通小食檔賣緊$13嗰底都不如。出色嘅雞蛋仔係可以一粒一粒咁啪出嚟，而呢個價值廿幾蚊同等咗十幾分鐘嘅產物，係要用搣嘅。拎上手已經知唔對路，睇相都feel到個口感同熱香餅係冇分別（攝於出爐後一分鐘內），一食果然不出所料，淋過毛巾。咁嘅質素已經唔expect入面嘅蛋漿會幾香濃，而事實亦係完全食唔到。所謂嘅流心蜂蜜，原來係疑似蜜糖味嘅爆珠，又唔流心，又唔蜂蜜，得個甜字。順帶一提，珍珠奶茶質素亦奇低，係溝淡咗嘅茶味+稀稀地嘅奶水，實在大開眼界。