渝酸辣粉 (已結業)

最近，我經過中環皇后大道中，見到已經開咗新餐廳，食四川菜嘅「渝」。呢間舖前身係一間乳酪店 Hot & Cold ，開咗兩、三個月就結業。呢一、兩星期，放工經過「渝」，都坐滿食客。由於地方淺窄，實質呢度有兩張枱，加一張細橫枱；容納唔夠 10 人。昨日經過終於無人，可以走嚟幫襯！主打四川菜，招牌菜：重慶酸辣粉及成都擔擔麵。其實，我怕辣！偏偏要走嚟試吓，好在有些少食物唔辣，例如：清湯雜醬麵，以雞湯為湯底；還有鹵水雞翼配涼拌素菜及絲苗白飯套餐。可惜，我有感冒唔食得雞。咪無嘢好食？店主建議我食四川排骨麵 $32佢話用豆瓣醬，只係微辣；如果我嫌辣，可以另俾清湯加落去。( 呢度要先俾$$！) 唔使5分鐘，就攞得。嘩！碗湯咁紅嘅！ Oh No!!! 我試一試啖湯，味道好濃！好惹味！幾香！ 未算辣可以接受！麵質有點煙韌，食到尾都未腍！可能係份量唔多啦！排骨有 5~6 件，幾腍夠入味！其中1件係豬軟骨。食完成碗覺得微辣，我都頂得順。因為我咳，所以唔飲凍飲。熱飲只有兩個選擇：菊花茶及豆漿。叫咗比較健康嘅熱菊花茶 $10幾濃！唔係咁甜，好純正！反而我覺得好飲，亦可解辣。想特別一提，不論堂食 / 外賣，用上即棄