麻辣派對 (金百利廣場) (已結業)

前幾日兩位食得辣既朋友竟然話帶我食麻辣，當時真係嚇左一跳，因為佢地知我唔係好食得辣，原來呢度可以走辣架，唔怪得會帶我黎啦，哈哈！令我意想不到是呢度的裝潢佈置如同西餐廳一樣，好有情調，想像不到呢個環境下原來係食麻辣，有點驚喜張落單紙望到眼都花👀有巴蜀風味套餐，特色小菜套餐，川北涼菜套餐⋯ 套餐配絲苗米飯，送飲品和甜品，我地三個對住落單紙擇左好耐，哈哈！現在做緊重磅優惠，午市／下午茶套餐可以免費轉五指毛桃燉雞湯！！我地緊係擇燉湯，唔要飲品啦！湯料十足，燉左６小時的湯水味道特別清香又入味，頓時覺得好滋補第一個套餐係招牌香辣豬手，為左要遷就我，所以我地唔要香辣，轉黃炆味，雖然係午飯套餐，但豬手，洋蔥份量都不少，豬手炆到腍身又入味，唔肥，大量骨膠原而鍾意食洋蔥既朋友就更開心，因為洋蔥真係又多又大塊！第二個套餐係山城回鍋肉，一聽到回鍋肉我既感覺係又油又膩，但呢碟回鍋肉食起來不算肥膩，口感不錯～第三個套餐係黃炆茄子脆魚腩，份量同樣十足，魚腩外皮好脆口，魚肉嫩滑，但較多細骨，食時要小心；茄子炆到腍身又入味，撈飯絕對一流！另外，我地單點左兩份小食，分別係涼拌黑木耳&鮮椒爽脆生腸，同樣叫左小辣，份量超多！