影片
更多
2020-03-12
264 瀏覽
話說阿妹因為武漢肺炎要cancel韓國之旅，所以就帶佢黎食炸雞補數。一出lift就見到喇！出面仲有螢幕放映餐牌，所以如果peak hour黎到要等，都可以一路等，一路望下諗吓有咩食！一入到去其實都幾full，同埋我諗因為疫情，店員唔會安排到啲人坐到好逼，都幾多張檯係兩個人坐四人位，咁就唔洗同隔離檯啲人坐得太近，減少飛沫傳染機會😌研究完餐牌之後，我地三個人就嗌咗牛排骨湯（$188）、芝士年糕拉麵（$158），同雙重滋味炸雞（$235）：香蒜炸雞+韓式甜豉油炸雞。唔係等咗好耐，個芝士年糕拉麵就到喇！個碟真係好多芝士！夾親麵或者年糕都會癡住🤣🤣🤣超級邪惡。除左年糕、拉麵，仲會有蛋、椰菜同埋魚糕。辣醬嘅味道偏甜，較適合香港人口味，但當然辣味後勁都勁，同樣滿足埋鍾意食辣嘅人。就黎食完拉麵，炸雞就到喇！炸雞黎到嘅時候超熱，係熱到辣手🤣食落外層好香脆，但裡面仲係好鮮嫩，唔會鞋咗。因為阿妹唔太受辣，所以就嗌咗偏甜嘅口味。香蒜脆雞就比較甜，有少少似甜酸醬味🤤，韓式甜豉油相比之下就重少少豉油味，岩啲唔太嗜甜嘅人。每舊炸雞份量都唔少所以超級飽肚！舖頭亦有提供膠手套、裝骨盤，方便大家用手大大啖食🤣食完炸雞，緊
一出lift就見到喇！出面仲有螢幕放映餐牌，所以如果peak hour黎到要等，都可以一路等，一路望下諗吓有咩食！
一入到去其實都幾full，同埋我諗因為疫情，店員唔會安排到啲人坐到好逼，都幾多張檯係兩個人坐四人位，咁就唔洗同隔離檯啲人坐得太近，減少飛沫傳染機會😌
研究完餐牌之後，我地三個人就嗌咗牛排骨湯（$188）、芝士年糕拉麵（$158），同雙重滋味炸雞（$235）：香蒜炸雞+韓式甜豉油炸雞。
唔係等咗好耐，個芝士年糕拉麵就到喇！
芝士年糕拉麵
$158
31 瀏覽
0 讚好
0 留言
個碟真係好多芝士！夾親麵或者年糕都會癡住🤣🤣🤣超級邪惡。除左年糕、拉麵，仲會有蛋、椰菜同埋魚糕。辣醬嘅味道偏甜，較適合香港人口味，但當然辣味後勁都勁，同樣滿足埋鍾意食辣嘅人。
就黎食完拉麵，炸雞就到喇！
香蒜脆雞+韓式甜豉油脆雞
$235
32 瀏覽
1 讚好
0 留言
炸雞黎到嘅時候超熱，係熱到辣手🤣
食落外層好香脆，但裡面仲係好鮮嫩，唔會鞋咗。因為阿妹唔太受辣，所以就嗌咗偏甜嘅口味。香蒜脆雞就比較甜，有少少似甜酸醬味🤤，韓式甜豉油相比之下就重少少豉油味，岩啲唔太嗜甜嘅人。
韓式甜豉油脆雞
30 瀏覽
0 讚好
0 留言
每舊炸雞份量都唔少所以超級飽肚！
舖頭亦有提供膠手套、裝骨盤，方便大家用手大大啖食🤣
牛排骨湯
$188
29 瀏覽
0 讚好
0 留言
食完炸雞，緊係飲返啖湯潤下喇。
鍋牛排骨真係好多牛排骨，有大概4-5舊大排骨。除此之外，仲有唔少菇🥰
碗湯味道清清地咁，可以中和炸雞同拉麵嘅味道，食完成餐飯都唔會好膩。
張貼
