逸翠軒海鮮酒家 (白田商場)

營業中

休息中

上周五番娘家陪阿媽完針，順便同佢同埋阿妹出去食晚飯，見附近有間酒樓就試一試。當晚唔算太多人，不用在外面等位，直接walk-in入去，沒有限時。入到去裝修還算新淨，屋邨商場沒太多要求。3個女人仔食得唔多，所以叫左一份2人餐（2餸1湯跟2個白飯）。一黎先上左一大煲例湯「粉葛豬肉湯」，上菜阿姐仲主動幫我地舀埋d湯渣出黎，好好飲唔會好油膩，每人都飲左3碗。主食叫左柚子炒蝦球+蝦醬時菜炒牛肉。蝦球表面脆脆地得黎，又唔會太厚粉；牛肉肉質中規中矩，不會太咸。整體2人餐既份量已經足夠我地3個人食到飽飽；服務仲好過出面旺區既大酒樓（會幫手追單兼且不會黑面）；價錢要4百幾，不過冇時間限制，似乎可以坐好耐，所以性價比都不錯。