牛極 (庇利金街) (已結業)

食石燒牛嘅吸引之處就係可以自己去處理及決定肉嘅生熟程度， 自己燒始終係一個享受😎😎 今日試咗呢一間係庇利金街嘅"牛極"， 性價比高，真係唔錯👍🌟餐廳大約可以容納到20人， 好似日本嘅拉麵店咁有一部售票機可以俾客人選擇肉嘅種類同份量， 我今日就揀咗佢最受歡迎嘅牛肩排，趁主角未嚟之前去自助區睇睇有乜食先😆🌟自助區有白飯任裝🍚 可以自行加紫菜碎🤩 沙律都有兩隻醬汁選擇包括胡麻醬同醋， 仲有不得不提就係佢個牛肉湯， 因餐廳主打牛，自然有好多部位都可以用嚟淆湯，個湯好重牛肉味 ，呢碗湯真係好正😋😋🌟主角嚟啦，好吸引🤩🤩 牛肩胛肉脂肪唔多但係肉質都好嫩又重牛肉味👍 餐廳有多款嘅調味料可供選擇，包括基本嘅即磨鹽、黑椒、燒烤調味料等， 仲有燒肉汁、生蒜同辣醬，實有一款你鍾意😍 牛極喺好多地方都有分店， 大家有機會真係要試下，值得推介，享受下一人之豪快啦🤣