影片
更多
2024-08-19
312 瀏覽
17/8/2024📍 壹.01呢間餐廳係食台灣野嘅 雖然係商廈入面 但下晝2點幾都依然好多人去食 座位都算多 坐得舒服下晝2:30之後去食 再follow佢哋嘅ig page仲有9折優惠㗎😆⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯✨芋頭鮮奶（$26）🙍🏼♀️好鍾意飲芋頭鮮奶 呢杯整得好好飲！鮮奶嘅奶味幾重 只有少少甜 連埋芋泥一齊飲就啱啱好 芋泥嘅分量有三份一杯 非常之綿密 又有少少芋頭粒粒增加口感 而且唔會有化學味嘅甜而且成杯野飲係冇冰㗎！唔會愈飲愈淡 真係好足料👍🏻✨爆珠馬蹄椰子水（$36）呢杯野飲都相當有驚喜😆揀咗少甜 所以飲落好清爽呢款爆珠真係未試過 咬開入面有啲馬蹄粒 又有啲黏黏哋嘅感覺 口感有少少似三文魚籽✨芒果魯肉飯（$60）呢個combination又係第一次見 出奇哋清甜嘅芒果同魯肉係夾㗎喎😂可能係因為兩樣野嘅口感都偏軟滑 可以融為一體一鹹一甜balance得幾好 又唔會搶咗對方嘅風頭 芒果同魯肉嘅分量都幾多 女仔食晒一個飯都幾夠飽✨明明·我不是章魚燒（$26）個名咁特別 其實佢真身係炸花枝丸 上面有啲炙燒過嘅明太子醬 同埋木魚片 望落真係好似章魚燒😂花枝丸口感好彈牙結
📍 壹.01
呢間餐廳係食台灣野嘅 雖然係商廈入面 但下晝2點幾都依然好多人去食 座位都算多 坐得舒服
下晝2:30之後去食 再follow佢哋嘅ig page仲有9折優惠㗎😆
⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯
✨芋頭鮮奶（$26）
🙍🏼♀️好鍾意飲芋頭鮮奶 呢杯整得好好飲！
鮮奶嘅奶味幾重 只有少少甜 連埋芋泥一齊飲就啱啱好
芋泥嘅分量有三份一杯 非常之綿密 又有少少芋頭粒粒增加口感 而且唔會有化學味嘅甜
而且成杯野飲係冇冰㗎！唔會愈飲愈淡 真係好足料👍🏻
✨爆珠馬蹄椰子水（$36）
呢杯野飲都相當有驚喜😆揀咗少甜 所以飲落好清爽
呢款爆珠真係未試過 咬開入面有啲馬蹄粒 又有啲黏黏哋嘅感覺 口感有少少似三文魚籽
✨芒果魯肉飯（$60）
呢個combination又係第一次見 出奇哋清甜嘅芒果同魯肉係夾㗎喎😂可能係因為兩樣野嘅口感都偏軟滑 可以融為一體
一鹹一甜balance得幾好 又唔會搶咗對方嘅風頭 芒果同魯肉嘅分量都幾多 女仔食晒一個飯都幾夠飽
✨明明·我不是章魚燒（$26）
個名咁特別 其實佢真身係炸花枝丸 上面有啲炙燒過嘅明太子醬 同埋木魚片 望落真係好似章魚燒😂花枝丸口感好彈牙結實 仲有啲花枝粒係入面添
✨ 風琴豆腐（$14/串）
其實佢嘅idea 係唔錯嘅 風琴豆腐吸咗牛肉汁應該會幾好食
問題係個汁真係太鹹 配飯食都會太鹹 佢個鹹度要起碼減翻一半先得😂
✨ 炸鮮奶·芋泥二文治（$48）
嗌一樣可以試兩樣野 一次過滿足兩個願望😁
炸鮮奶好似春卷咁嘅樣 一咬落去入面嘅鮮奶就會湧出嚟 食嘅時候要小心啲啊😂
鮮奶好滑好甜 放耐左都唔會凝固 都係會流心👍🏻
芋泥二文治其實係兩塊餅中間夾住芋泥 簡單啲嚟講就係炸過嘅芋泥夾心餅 又幾有新意嘅
芋泥好夠味 唔會過甜 食落好紥實
✨拉絲芝士火腿蛋餅（$45）
佢又真係做到拉絲嘅效果 就算擺咗一陣先食 外皮都仲脆脆哋👍🏻個皮偏薄但都煙煙韌韌 分量都唔少
面頭有啲明太子醬 幾惹味💕仲有啲唔太脆嘅餅乾碎 如果脆啲口感會更加好
⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯
最後埋單～$250 （唔收加一）
野食整體都幾好食 除咗個風琴豆腐之外 性價比相當唔錯😄
推薦指數🌟：4/5
📍 觀塘駿業街56號中海日升中心2樓D號舖
張貼
