茶餐廳2.0 (已結業)

今晚同爸爸放工後去埋開餐先返屋企，呢間茶餐廳2.0性價比超高。有多款唔同既野食可選擇，不論中式的、西式的，都有，好正，而且價錢仲好親民。餐廳內座位數目都不少。睇完餐牌，好正，除了有大大本既餐牌外，仲有小菜餐同晚餐精選，咁多選擇，一定要揀到款岩自己食既。最後我同爸爸一人點了一個餐。餐飲，一杯熱檸茶，一杯熱檸水。正正常常，我幾欣賞佢個杯，幾有特色。另外仲有餐湯，是日有兩款可供選擇，一款是西湯羅宋湯，而另一款是中湯節瓜湯。我們都選了羅宋湯。羅宋湯好多料，好正，仲帶點點微辣，好惹味。我點了鐵扒豬手配意粉。嘩，炸炸炸炸聲呀，但鐵板超熱，食鐵板最緊要塊板夠熱，咁樣慢慢食，d肉都唔會凍。隻豬手好大呀，真係啖啖肉，超抵食，好惹味，慢慢切下切下，又沾下洋蔥汁，好惹味。意粉混上了茄汁，味道都不錯。呢份鐵板餐份量好大，勁滿足，岩曬食肉獸。眼見在場都好多食客點鐵板餐。爸爸點了咖哩海鮮意粉。咖哩味香而不辣，好正。入面仲有青口、蜆、帶子、魚⋯⋯⋯多款不同海鮮。以咖哩汁拌埋意粉，正呀。本身我們都想點埋甜品，但實在實在太飽啦，個餐份量好豐盛，所以都吃不下了，只好留返下次黎再嘗嘗甜品。