影片
更多
2021-11-20
40 瀏覽
兩個大食鬼 飽到捧住個肚走 比出面旺區嘅omakase平一截😍用料新鮮 師傅功力都好好呀 係缸拎條象拔蚌上嚟 兩三下手勢就劏好上枱 我哋分別點左唔同set 有啲野可以share嚟食～（$1180 & $1300）不時不食 當造嘅秋刀魚 鮟鱇魚肝 白子都食到 前菜3款：合桃/蟹肉豆腐+桃啫喱 /水雲發菜刺身：✔︎北海道仙鳳趾生蠔 上面有啲梅酒啫喱 食落好飽滿 creamy 係清新嘅甜味✔︎薄切石垣鯛 伴酸汁 口感幾實淨 魚味清淡 ✔︎ 象拔蚌配青檸汁 又爽又鮮✔︎ 深海池魚 有別於池魚 魚香濃將多！面頭有啲柚子胡椒分解個油分✔︎ 中吞拿魚 伴炸紫蘇葉 口感好淋 又無拖羅咁油脂重 好食✔︎ (貴set) 北海道牡丹蝦 上面係蝦膏 兩樣野夾埋嚟食 鮮味十倍！✔︎（貴set) 鰤魚 即係大條版嘅野生油甘魚 燒過好香口 油分出哂嚟壽司 ：✔︎ 鮮北海道北寄貝 第一次食 貝類嘅鮮甜終於有 同平時紅色果啲完全唔同 口感好爽脆✔︎ 金目鯛✔︎ 醋漬鯖魚 昆布用醋浸過 ✔︎ 秋刀魚 魚味好重 肉質好嫩✔︎馬糞海膽 （貴set)馬糞海膽+白蝦 之前食完紫海膽 今次食返馬糞海膽 濃密好多 白蝦嘅極鮮甜 match埋真係無得頂！鮟鱇
兩個大食鬼 飽到捧住個肚走 比出面旺區嘅omakase平一截😍
用料新鮮 師傅功力都好好呀 係缸拎條象拔蚌上嚟 兩三下手勢就劏好上枱
我哋分別點左唔同set 有啲野可以share嚟食～（$1180 & $1300）
不時不食 當造嘅秋刀魚 鮟鱇魚肝 白子都食到
前菜3款：
合桃/蟹肉豆腐+桃啫喱 /水雲發菜
刺身：
✔︎北海道仙鳳趾生蠔 上面有啲梅酒啫喱
食落好飽滿 creamy 係清新嘅甜味
✔︎薄切石垣鯛 伴酸汁 口感幾實淨 魚味清淡
✔︎ 象拔蚌配青檸汁 又爽又鮮
✔︎ 深海池魚 有別於池魚 魚香濃將多！面頭有啲柚子胡椒分解個油分
✔︎ 中吞拿魚 伴炸紫蘇葉 口感好淋 又無拖羅咁油脂重 好食
✔︎ (貴set) 北海道牡丹蝦 上面係蝦膏 兩樣野夾埋嚟食 鮮味十倍！
✔︎（貴set) 鰤魚 即係大條版嘅野生油甘魚 燒過好香口 油分出哂嚟
壽司 ：
✔︎ 鮮北海道北寄貝 第一次食 貝類嘅鮮甜終於有 同平時紅色果啲完全唔同 口感好爽脆
✔︎ 金目鯛
✔︎ 醋漬鯖魚 昆布用醋浸過
✔︎ 秋刀魚 魚味好重 肉質好嫩
✔︎馬糞海膽
（貴set)馬糞海膽+白蝦 之前食完紫海膽 今次食返馬糞海膽 濃密好多 白蝦嘅極鮮甜 match埋真係無得頂！
鮟鱇魚肝 師傅用煮代替傳統蒸嘅做法 食落無咁實 好香 同埋白子 一啲都唔腥 呢兩樣extra 有得食 😍大滿足
碎蔥吞拿魚腩手卷 creamy到呢🤤食到呢度已經飽飽
跟住仲有清酒煮北海道赤鮑魚（平set）
清酒蒸一蒸鮑魚 面頭再加鮑魚肝汁
一品料理（貴set) 好貼心 因為呢排涼左 轉左做鍋物
蟹肉茶碗蒸好滑溜 時間同水嘅比例控制得好好 魚湯 淆足6個鐘 可想而知幾濃郁！
最後仲有甜品 日本直送雪糕 大推介芝士味！
不得不讚 除左師傅 在場嘅經理一樣好好傾 對食材嘅知識仲好豐富 餐廳好多位都好細心 係一次好開心嘅用餐體驗 做開街坊生意 所以成個感覺都好warm 識食友仲可以訂啲靚野等師傅整😌
張貼
