上海老家 (已結業)

我們這一家都好鍾意食上海小籠包，就連小朋友都可以輕鬆食到四五隻，不過屋企附近上海菜選擇唔多，而且又貴又唔好食，後尾聽朋友介紹大角咀有間隱世上海菜係休業後隆重重開，高質又抵食，今次就專登出去試下🔸️花雕醉雞酒香味濃，雞肉嫩滑，啖啖肉而且已經浸到入晒味，冰冰涼涼好清爽🔸️小籠包貼心地有個錫紙兜仔，唔使擔心會漏湯汁，皮薄又juicy，晴寶寶都大讚yummy yummy🔸️老家酸辣湯我私心覺得係近年飲過最好飲的酸辣湯濃稠度剛剛好，用料豐富，胡椒粉辛辣香味濃厚，味道適中🔸️老家松子魚食落啖啖肉，酸甜味道適中，越食越開胃🔸️魚肚煮津白津白清甜，魚肚爽脆本來仲想試埋高力豆沙，不過今次實在太飽，下次再叫多幾多朋友一齊試多幾款食物先得