麒藝館 (已結業)

食完突登入黎寫個comment因為野食真係幾高質，服務又好好。同老婆兩個人叫左三個餸兩個飯。花膠凍似肴肉但用上花膠取代豬肉，味道同預期差唔多。下一道上湯魚子花膠，百二蚊唔算貴就叫黎試下，實在有驚喜，花膠幾厚肉，上湯鮮甜，性價比好高！主菜叫左半隻脆皮雞，個皮真係好脆！未係其他中菜食過咁脆！如果黎一定要叫！最後服務幾好，全程有人換碟，亦有人簡單介紹餸菜。遺憾係無叫到無花果燒豬因為驚太飽，見到佢有師傅即叫即燒如果再黎一定要食！