影片
開飯介紹
由謝江生師傅主理，以經典粵菜為本的麒藝館，是ー間以中菜日化為主題的高級食府，更同時是ー間花膠的專門店。
繼續閱讀
營業時間
星期一至五
11:30 - 15:00
18:00 - 22:30
星期六至日
11:30 - 15:30
18:00 - 22:30
公眾假期
11:30 - 15:30
18:00 - 22:30
公眾假期前夕
11:30 - 15:00
18:00 - 22:30
以上資料只供參考, 請與餐廳確認詳情
食家推介
-
鮑汁花膠撈飯
-
原隻鮑魚花膠撻
-
即燒無花果天下第一豬
-
木藏牛
-
大地魚末燒賣+26
相關文章
這家號稱天下第一豬麒藝館，門口有燒爐，主打即燒乳豬，所以特意來試下。即燒天下第一豬 果然沒有令我失望，例牌有六件$348，食過至知，真係物有所值。點心四格： 蝦餃， 松露燒賣， 爆米蜆介鯪魚球， 牛肝菌和牛酥 點心做得頗為精緻，特別是鯪魚球外層脆米脆卜卜裏面軟糯，好味有創意。一蟹兩藝 皇室焗釀蟹蓋 陳醋嘢米沙律蟹件 這釀蟹蓋原來是炸軟殼蟹 拌沙律菜同吃 不是傳統用蟹肉釀蟹蓋，有點失望。金沙黃金蝦窩巴 黃金蝦一客四件，蝦球好大隻，沾了鹹蛋黃 非常惹味，配窩巴同吃，唐酒花膠蟹肉蛋白，賣相吸引，酒香撲鼻。除了食物令我相當滿意，服務招呼一流，環境舒適，異常好的用餐體驗。
繼續閱讀
4月21日開返晚市，老婆想食乳豬，咁就openrice搵下邊度好食啦！搵到e間就即刻係試下啦！泊車之後就直接搭𨋢上去，去到門口重見到有師傅係門口個玻璃位燒緊乳豬仔，心諗今次都無去錯地方啦！入到去揀茶，我地就選擇左烏龍茶，跟住就望下個餐牌啦，餐牌以中餐為主，有乳豬，海鮮，花膠同埋其他中式小炒等，咁我地就選擇左以下嘅菜式。即燒無花果天下第一豬，夠膽講自己係天下第一豬，就當然唔惹少啦！叫左一個例牌，有6件，2位夠食啦！食落去個皮就真係好脆，完全係新鮮燒出黎嘅感覺，豬肉好入味，唔咸，你跟本唔洗點醬汁就已經好夠味，師傅刀功非常好，完全無骨，啖啖肉，我地都覺得完全係對得住個名。跟住就係蜜絲咕嚕肉，師傅加入左無花果，咕嚕肉啖啖肉無骨，而且d粉上得剛剛好，唔會有個好厚粉嘅感覺，食落去味道咁酸甜，送飯一流，唯一差少少嘅就係d洋蔥放耐左，有少少變左味，整體黎講都好出色。另外一個主角出場啦，月羊肚菌白湯燴澳洲龍蝦，羊肚菌近年大熱，羊肚菌有機鍺含量較高，具有強健身體、預防感冒、增強人體免疫力的功效。甚得家庭愛戴，上湯加上羊肚菌味道特別，加上啖啖肉嘅新鮮龍蝦，食落非常有驚喜，比較起普通酒樓更加好味，而且都係果句，師傅刀功一流，龍蝦肉都係啖啖肉，一隻龍蝦都可以起到好多舊淨肉，絕對係一流。最後就係濃湯花膠腐竹浸時蔬，今次餐廳就選擇左菜心，上湯加上花膠粒同腐竹，可以清一清之前乳豬同埋龍蝦嘅油膩，唔錯，腐竹同菜嘅份量都好多，最後都食到好飽。總結黎講，乳豬非常好食，特別推介，會再黎，食其他野。
繼續閱讀
2521 瀏覽
往年，農曆大年初一要飲茶嘆點心，最低限度要提前兩至三個星期訂枱；猶記得即使上年牛年年初一，雖然有疫情限聚令，市面氣氛仍算熱鬧。估唔到今年農曆年底前疫情復熾，禁止晚市堂食，午飯時段人流也大為減少。訂枱容易了，「麒藝館」甚至有主餐牌七折優惠！碰巧餐廳門口接待處的背壁用上桃紅色作主調，室內又有一大幅棗紅色牆身；只需要將玄關前的盆栽換成一大盤紫紅色的蝴蝶蘭，立即充滿新春氣氛。室內裝潢其中一邊設有包廂，大廳則以6人圓枱及四方形2至4人細枱為主；沒有舖上枱布，裝修風格走簡約輕便中餐路線，與主打花膠名貴菜式似乎格格不入。配合新春時節，以優惠價推出三款套餐，豐儉由人。午飯時段，還是喜歡吃幾款點心及揀幾個簡單小菜。爆米蜆介鯪魚球（$78）賣相有趣，將三粒迷你炸鯪魚球串在一起，一客兩串。鯪魚球表面沾滿炸至脆卜卜的白色爆米花，碟底再鋪上一層金黃色的爆米花，簡單得來有心思，提升這客小食的賣相。炸鯪魚球表層有脆卜卜的爆米花，咬下去則煙韌彈牙；鯪魚肉鮮甜，味道稍為偏鹹，如果多一點陳皮蓉增添香氣會更好味。醬皇鳳爪（$68）汆水唔夠徹底，有少少臊味；醬皇味道太淡，鳳爪唔夠惹味，亦唔夠軟腍。以此級數的粵菜館，鳳爪不合格。龍蝦湯鮮竹卷（$68）的賣點是龍蝦湯，味道中規中矩。至於鮮竹卷，餡料普通，亦包裏得太結實；同坊間其他中式酒樓出品比較，沒有分別。海綿馬拉糕（$38）夠鬆軟，顏色亦對辦；可惜入口蔗糖香氣唔夠濃郁。灌湯豚肉燒汁鍋貼(4件)（$88）總算是配合級數的點心出品。鍋貼隻隻外型工整、大細一致；底皮又煎得夠甘香脆口。一咬下去，灌湯肉汁傾瀉而出，肉鮮汁甜。即燒無花果天下第一豬(半隻)（$698）原價直逼星級中菜館，七折後就親民得多。選用迷你乳豬，半隻只有12件，最適合4 至6人分享。上碟時已經去了胸骨及背脊骨，食起來更方便；又採用皮肉相連的切法，肉眼所見，乳豬皮下脂肪厚薄適中。入口乳豬皮薄身香脆又鬆化，咬下去又有脂肪的腍滑口感及油脂香氣，但又唔會太黏口及肥膩。醃料味道剛剛好，唔會太鹹、亦沒有太濃烈的五香粉，仍然保留豬肉的鮮味。每一啖都有鬆化乳豬皮、腍滑脂肪及軟腍豬肉；再加上用無花果炮制的醬汁，添了幾分果香，更勝傳統乳豬醬 ⋯⋯ 不愧天下第一豬！金沙黃金蝦窩巴(4件)（$288）整件都是金黃色，很漂亮。鍋巴咬下去脆卜卜，但竟然沒有什麼味道，原本還以為金黃色的鍋巴也沾了鹹蛋黃醬。大蝦已經去頭去殻，只留下了蝦尾的一小截殻，以增添美感。蝦肉爽口，只嫌稍欠鮮甜。表面包滿了鹹蛋黃醬，啖啖鹹香惹味，鹹蛋黃醬如果再多一些、味道再濃一些會更好。羊肚菌炆豆腐（$168）的賣相太普通隨意，同坊間普通粵菜酒家比較沒有分別，有點令人失望。味道方面，豆腐滑溜、有豆香；不過，墊底的菜心剪裁得未夠徹底，殘留不少菜葉及老莢，並非靚菜遠，不太符合餐廳定位。羊肚菌份量稍嫌吝嗇，芡汁味道亦太濃烈，掩蓋了羊肚菌的香氣。花膠肉絲雙麵黃（$188）的全蛋幼麵炸到脆卜卜，個人口味比較喜歡半煎炸，因為明火煎才能做到香口及少少焦脆的效果。材料相當豐富，滿滿一小砵花膠絲、肉絲、冬菇絲及銀芽，如果多一點芡汁拌雙麵黃(炒麵)更佳，始終乾炸麵條配點汁才會更好味。如果收取正價，性價比偏低；雖然七折後也不算便宜，但相對合理。只試了五款點心，除了個別款式之外，點心味道整體只算一般水準，未算吸引。主餐牌的粵菜款式選擇唔多，未見特別吸引的手工粵菜；可能主打花膠菜式？但總需要其他美味粵菜互相配合，這方面有改進空間。但自詡第一的即烤乳豬的確非常出色，印象中係曾經食過嘅最好味嘅乳豬；雖然貴、其他菜式又並非特別吸引，但只為了這隻天下第一豬，仍值得光顧。
繼續閱讀
今日喺麒藝館同朋友一齊午餐，用餐過程服務周到，尤其Dennis嘅服務令人覺得舒適，在現今嘅飲食業中很難看見，值得讚賞。在與經理Stella傾談後發覺她的用心領導，引領到員工可以有此優質嘅服務！
繼續閱讀
Boxing Day 冇食西式嘢，特別啲來個中式精緻晚餐，餐廳走精緻中菜路線，環境同食物都不錯。😋西班牙焦香腩叉燒叉燒燒得好香，肉質鬆軟，略肥，油脂甘香。水晶花膠凍花膠凍入口即溶，每粒都食到有花膠在裏面，好滑，每粒都充滿了雞湯味。加啲黑醋啫你一齊食，又係另一種味道。椰子紅蘿蔔栗子煲豬展湯真材實料嘅湯，冇味精，味道濃厚。核酸惹菌炒蝦球鮑汁花膠撈飯好矜貴嘅炒飯，鋪滿晒花膠絲，加上鮑汁，炒飯粒粒分明，有蛋香，好味。
繼續閱讀