私房蔡 (已結業)

今日又去左私房蔡食lunch，最鐘意佢地既例湯，今日係西洋菜南北杏豬骨湯，每次佢地既湯都好足料，冇味精，岩哂d唔係成日有湯水飲既打工仔！同事叫左排骨蒸飯share一齊食，一大堆菜芯蓋住好多排骨，好足料好抵食。排骨好淋好入味，加埋d鼓油撈飯真係一流。我就叫左鮮茄斑腩飯，茶餐廳有鑊氣質素，d斑腩唔會得嚿粉，有魚肉，炸到好脆，配埋酸酸地既蕃茄好開胃，撈飯一流。餐廳一般中菜廳mix大排擋格局，伙記態度一般，但食物真係好好味，又有老火湯，性價比又高，十分推介！