泰好記

營業中

休息中

今日行過女人街，見到呢間泰國菜餐廳，睇睇餐牌價錢大眾化，入面都坐得舒服，就入去試吓。串燒三拼分別有牛，豬同雞，燒得唔會太乾，d肉質仲好juicy，外面燒到焦焦香香，點埋佢嘅沙嗲汁，幾惹味，唔錯。咖哩炒大蜆份量都幾大碟，d咖哩汁勁香濃，唔算辣，入面仲有蛋絲吸收晒d咖哩汁，d蜆都好鮮味。薄餅d薄餅烤到好香脆，點埋d咖哩汁一齊食，勁正。蒜蓉包烘到好香脆，d蒜蓉味勁香，就咁食或者點咖哩汁都好味。蝦醬炒飯d飯炒到粒粒分明，勁香蝦膏味，唔會太油膩，好味。芒果沙冰勁香芒果味，係用新鮮芒果打成嘅沙冰，上面仲有芒果肉，好fresh。