呂錦記手撕雞專門店 (皇后大道西)

營業中

休息中

難得今日放假陪屋企人去西營盤買餸，見到附近有間手撕雞專門店好想食吓，平時好鍾意食雞肉嘅我啱晒我，呢間店嘅手撕雞有好多種口味，一共8️⃣款味有辣有唔辣，除咗手撕雞之外，仲有其他小食揀。原味手撕雞（半隻） 手撕雞份量好多，好香麻油味，雞肉嫩滑唔會好乾，加上無骨啱晒我啲懶人可以大啖咁食，雞肉食落帶點鹹香，另外再係表面灑上芝麻連埋雞肉一齊食味道好夾。雞腿骨（小食）平時食雞翼都好鍾意食有軟骨嘅位置，今次揀呢個雞腿骨嚟食好啱我，每一啖都食到好香脆嘅雞腿骨，好有口感，雖然食落有少少硬身，但都幾入味。