影片
更多
2021-03-30
213 瀏覽
Happy Friday嘅晚上當然要鬆放Relax一下(小新説法🤣)，我同朋友去咗灣仔告士打道一間新開嘅酒吧餐廳「Primo」。天橋底以至附近幾個街口都見到易拉架嘅宣傳，Marketing功夫做到足！餐廳行型格路線，門口有少量户外座位，內裡就有兩層，不過我哋坐喺下層，所以唔知上層係點。下層環境色調偏昏暗🌃，有吧枱或普通餐枱，兩者都坐得舒服。再者，場內播住嘅英文歌首首都耳熟能詳，令人偷快。作為一間酒吧餐廳，佢提供嘅食物同飲品選擇一樣咁多。食物以意大利菜式為主🇮🇹，主食不外乎意粉Pasta同薄餅Pizza，另外亦有沙律、前菜小食同甜品等。價錢唔貴啊，一份主菜平均都係百頭至百中就有交易！意式開胃拼盤 Antipasti Platter ($138)，小食拼盤內容好豐富🤤，包括煙三文魚、巴馬火腿、莎樂美香腸、香草菲達芝士、青瓜、車厘茄同薄片披薩麵包，每款份量均為四件，四個人食都無難度。我哋食得出煙三文魚Smoked Salmon同巴馬火腿Parma Ham應該係靚貨，而且大大片，出手唔孤寒。不過講到最驚喜一定係莎樂美香腸Salami🥓，呢片厚薄適中嘅香腸真係超好食，嗰種肉嘅鹹香濃得嚟唔纏人，仲
Happy Friday嘅晚上當然要鬆放Relax一下(小新説法🤣)，我同朋友去咗灣仔告士打道一間新開嘅酒吧餐廳「Primo」。天橋底以至附近幾個街口都見到易拉架嘅宣傳，Marketing功夫做到足！
餐廳行型格路線，門口有少量户外座位，內裡就有兩層，不過我哋坐喺下層，所以唔知上層係點。下層環境色調偏昏暗🌃，有吧枱或普通餐枱，兩者都坐得舒服。再者，場內播住嘅英文歌首首都耳熟能詳，令人偷快。
作為一間酒吧餐廳，佢提供嘅食物同飲品選擇一樣咁多。食物以意大利菜式為主🇮🇹，主食不外乎意粉Pasta同薄餅Pizza，另外亦有沙律、前菜小食同甜品等。價錢唔貴啊，一份主菜平均都係百頭至百中就有交易！
意式開胃拼盤
$138
6 瀏覽
0 讚好
0 留言
我估計薄片披薩麵包Pizza Bread Slides即係指拼盤上圓形嘅波波？雖然我哋無汁沾，但反而食得出麵餅發酵後嘅香味，🍕從此我可以推斷呢度嘅薄餅皮應該幾有水準，只可惜今日唔餓就無食到。另外，酸酸嘅醃青瓜Pickles好開胃🥒，但我就略嫌份量少咗啲。菲達芝士Feta Cheese質感軟軟的🧀，奶味同鹹味一樣咁足。車厘茄Cherry Tomatoes就最普通，無乜好講🍅。
西班牙辣蒜香雜錦海鮮汁緞帶麵 Mixed Seafood Gambas Fettuccine ($128)，本身想嗌比較特別嘅Cannellon，但店員話暫時只提供DIY Pasta，任我哋自由選拼意粉底同醬汁🍝，我有少少失望，不過無所謂啦。
醬汁(餸料)有六款選擇，例如有素菜、肉醬、卡邦尼同我哋揀選咗嘅西班牙辣蒜香雜錦海鮮汁🇪🇸。意想不到個醬汁辣味幾勁下🌶，如果唔食得辣就揀第款吧。另一邊廂，蒜味亦好重，所以整體係幾惹味嘅。海鮮有青口、蝦肉、魷魚同魚柳等，全部都幾新鮮。Pasta方面，我哋要咗Fettuccine，但感覺上似Linguine多啲，因為偏幼身，不過口感唔錯，夠彈牙。
反烤蘋果撻
$62
6 瀏覽
0 讚好
0 留言
蘋果撻幾有特色，撻底有别於平日比較常見嘅酥皮，我認為有啲似芝士蛋糕嘅餅底，帶點煙韌嘅口感。🍎蘋果肉並無切粒，反而係大大片咁鋪喺撻面，經焦糖焗製後嘅蘋果好淋、好入味。配角係大大球雲呢拿雪糕🍨，味道唔錯；再倒入埋熱嘅吉士醬，就造出一冷一熱嘅對比效果。
Alska - Apple Cinnamon & Winter Cider (HH $50)，Cider蘋果酒好啱女仔飲，因為好易入口🍻，不過酒精含量都有4%㗎。我要嘅呢款偏重肉桂味，好香好正啊。最後介紹返呢枝酒係來自瑞典的🇸🇪。
總括嚟講，Primo係一間幾唔錯嘅酒吧餐廳，食物出品相當有質素，加上性價比高，幾值得推介啊👍！P.S.而家新開張有八折優惠，但唔知做到幾時。服務方面，外籍店員們好有禮貌，有密切關注客人進餐過程中有乜需要，更會主動斟水同換碟，抵讚😁。
張貼
