嘉寶漢堡 (和益中心)

營業中

休息中

成日都聽過嘉寶漢堡呢個名，但就未食過，今日決定去試下叫外賣先。係openrice 按左外賣，原來佢係整好漢堡後，等你黎到先再夾埋個小食同飲品俾你，確保熱辣辣，因為食飯時間，都等左一陣。我叫左個是拉差芝士蛋豬堡，我吾食豬，所以轉左雞。個汁好好食，加左芝士，仲有蛋，材料好豐富。個雞扒都煎得好食，但就有層雞皮，我就好一般。小食叫左紫菜魷魚鬚(+$15) 呢個好好食，好香口，份量都幾多，難怪要加15蚊。飲品叫左咖啡，我覺得一般，好重奶味。