Amitie Kitchen (已搬遷) 新店位置

聽同事話原來尖沙咀啲樓上餐廳都幾好食 佢仲推介一間性價比極高比我同老公今晚撐檯腳七點半全場座無虛席 好彩一早打電話留位 我地先點前菜法式香草牛油焗田螺總共六隻田螺 用上蒜蓉及香草烤焗 肉質爽脆鮮甜重點無泥味 墊底嘅薯蓉內藏煙肉 帶濃厚蒜香味 加上吸收晒焗田螺嘅精華 更幼細綿密入味 之後再揀個晚市套餐 先有是日餐湯蘑菇忌廉湯菇香撲鼻 質地濃稠 間中食到蘑菇顆粒 口感豐富餐包有兩款供應 牛角包以及法包併竹炭餅乾 牛角鬆軟香脆 竹炭餅乾有特色 不論配牛油或藍莓醬一樣出色沙律我地揀意大利巴馬火腿凱撒沙律火腿肉質幼嫩香滑 咬落滲出淡淡油脂 配合沙律菜享用 味道更勝突出 主菜係烤燒大啡菇焗釀北海道帶子虎蝦意大利飯伴龍蝦汁賣相非常精美 虎蝦肉質爽彈鮮味 北海道帶子嫩滑軟腍意大利飯黏而不軟 口感硬中帶腍 粒粒飽滿 配上肥美肉厚大啡菇 每一口都充滿驚喜 食飽飲杯熱情果梳打 消滯又可以去除油膩感 見到餐廳仲做緊推廣 開枝紅白酒就可以優惠價享用海鮮盤或黑毛豬火腿下次一定要叫埋閨蜜一齊黎嘆酒嘆美食