真鮨 (已結業)

今次發達啦…又俾我搵到間好野又低又新鮮又好味仲係最愛嘅小店經營。一嚟就食個前菜日本長石生蠔$98就有3舊生蠔賣相靚之外入口creamy廚師係個蠔面放咗少少酸薑味道夾到爆，之後就叫咗幾款壽司，件件壽司都係高質。先嚟件生尾魚壽司其實係每條魚嘅尾部切出嚟，三文魚腩簡直係 perfect脂肪比例剛剛好入口即溶，章紅魚壽司又係新鮮到爆，三文魚子壽司D魚子係爆滿咬落口都係脆卜卜，墨魚壽司中間夾住個紫蘇葉一齊咬落去味道更出色，之後到北海道海膽壽司飯少少海膽多多，一啖咬落去簡直令講唔到野甜到不得了，再叫多個海膽大板卷一塊紫菜上面放上簿簿嘅飯加上吞拿魚溶及滿滿嘅海膽，自己卷埋一齊食一啖咬落去滿滿嘅吞拿魚同海膽簡直係爆瀉。再叫咗一個甲羅燒同燒帆立貝，依兩個係我最愛甲羅燒係蟹膏，蟹肉，蟹子再加埋鵪鶉蛋撈埋一齊嚟燒，食落口個蟹膏味夠香濃攞到配飯正到爆，個燒帆立貝又係可食到爆，最後多份天婦羅併盆又係高質量個軟殼蟹咬落去係juicy又甜，個蝦，日本薯，南瓜樣樣都好好味最緊要個天婦羅粉醬係簿簿的，邊食邊覺得自己去咗日本食嘢咁。