海港酒家 (已結業)

今日4大長老過黎屋企就去最近既酒樓食晚飯，坐落就見到龍蝦鮑魚4人套餐$880。套餐有鹽燒鮑魚、上湯焗龍蝦伊麵、乳鴿、西蘭花、龍躉斑、燕窩燉奶等等即刻落左2sets。黎到每款野食熱辣辣，樣樣夠水準，特別係鹽燒鮑魚，六頭厚肉又惹味；龍蝦每人有半隻算多肉；乳鴿熱上夠味道。瑕疵係中途龍躉斑出菜時間比較長，樓面人數不夠要等一段時間先見到有人及上甜品燕窩燉奶用的器具有污漬，但不影響味道。總體而言，性價比高，野食好味道。