NN Coffee & Gin (裝修中)

今日同朋友行完工展會，就搵咗呢間喺鰂魚涌1001號大廈11樓（個商場外牆有中信大廈嘅字樣，認住摩登嘅大廈就唔會行錯啦）嘅Cafe試吓，呢間Cafe好多粉紅色嘅嘢，少女心爆發，好適合同閨蜜，坐低打吓卡食吓嘢傾吓計。我哋叫咗炸黑松露薯條 $68蟹肉南瓜牛油果手工意粉 $98牛角包窩夫 $72Mocha $45Rose Latte $46首先嚟咗兩杯嘢飲，咖啡拉花好靚，咖啡好香。跟住嚟咗手工意粉同埋薯條，手工意粉蛋味好重，薯條新鮮炸起好香脆，配上嘅黑松露醬都十分慷慨，食完都仲有!最後黎埋即叫即整嘅窩夫，配上雲呢拿雪糕、香蕉粒、藍莓、士多啤梨粒，為完美嘅lunch畫上句號。呢間餐廳冇收加一，我哋假日來，亦都冇時間限制，喺鰂魚涌同太古呢啲貴價地方算係性價比一流，值得一試。