渣華軒 (已結業)

一大班朋友約食飯，有人提議北角食私房菜。所謂私房菜其實係喺市政大廈嘅熟食中心。中午做普通午市，小菜，碟頭飯。夜晚就會做預訂私房菜。 我哋根據老闆介紹，揀咗款有拉斯維加斯蟹粥嘅菜單。$2680 （一至五）$2880（六日）共12道菜。✨古法滋補桑拿蝦， 就係將啲蝦放喺錫紙上面， 加啲圓肉杞子一齊整熟。其實就普普通通， 蝦亦唔係特別新鮮。✨ 到我期待嘅海底椰杏汁豬肺湯。係有杏汁味 ，但係就好似淨係得很杏汁味咁~~ 有點失望。✨ 到今日嘅重頭戲 阿拉斯加蟹粥。蟹的確係好大隻，份量足夠， 咁大隻蟹其實成本都唔平。叫做粥，其實好似飯仔咁，食一碗就好飽。係老闆特登煮得稠啲既，因為要晾得起隻蟹。蟹粥以為係會有蟹味，但其實係同蟹分開煮嘅。粥底佢用魚仔嚟煮但係其實食得出有啲味精，又唔係特別鮮甜。 老闆好熱情成日出嚟打招呼又會親自介紹菜式， 臨尾又會攞啲道具出嚟，俾每一位客人戴上幫佢哋影相。 又會播音樂，好有氣氛~~食物係好夠份量，一大班人去食飯坐下聚下👌，食物亦有落本，可惜真係煮得一般，每人差不多二百五十蚊，我覺得真係唔值。