影片
更多
2024-01-17
1524 瀏覽
性價比一般，但超易booking既銅鑼灣餐廳 星期日一家大細出銅鑼灣行工展會，行完決定係銅鑼灣食飯，OpenRice 見呢間有得即時book位，仲要book 位有9折，就決定試試佢。 一上到去，睇個餐牌先知道佢係米芝蓮餐廳，價錢偏貴，但都試下啦。 我地叫左三道菜，而在叫完菜後，侍應就拎咗六小碟上黎，有泡菜，魚仔，菠菜，蘿蔔等等…全部質素都好高，特別係其中一個泡菜，同平時食嘅都唔同，屋企人都好欣賞呢款泡菜，爽爽甜甜，沒有平時食嘅泡菜咁酸。🥢牛肉鍋自製麵一開始侍應放左一鍋湯同一碟肉在枱面，叫我地等湯滾起，就可以落牛肉。等到湯差不多滾起，侍應再拎左一碟麵過黎，最估唔到，原來侍應會幫我地煮埋，仲要幫手分好一碗碗，服務超好👍🏻雖然牛肉和麵就不過不失，味道唔算突出，但擺盤和服務加哂分。🥢雜錦石鍋飯石頭鍋飯一上枱，侍應問我們要多少辣，然後幫我們因應我地食辣的程度，落辣醬，會幫我們攪拌石鍋飯。又係一個服務滿分💯的菜式。石鍋飯的食材就都係不過不失，但石鍋飯超多飯焦，食到最後個石鍋都仲好熱，非常保溫。🥢泡菜煎餅最後的泡菜煎餅就最平平無奇，味道一般，泡菜味欠奉，唯一可取就係夠脆。 最估唔到，食到最後，侍應仲
星期日一家大細出銅鑼灣行工展會，行完決定係銅鑼灣食飯，OpenRice 見呢間有得即時book位，仲要book 位有9折，就決定試試佢。
一上到去，睇個餐牌先知道佢係米芝蓮餐廳，價錢偏貴，但都試下啦。
我地叫左三道菜，而在叫完菜後，侍應就拎咗六小碟上黎，有泡菜，魚仔，菠菜，蘿蔔等等…全部質素都好高，特別係其中一個泡菜，同平時食嘅都唔同，屋企人都好欣賞呢款泡菜，爽爽甜甜，沒有平時食嘅泡菜咁酸。
🥢牛肉鍋自製麵
一開始侍應放左一鍋湯同一碟肉在枱面，叫我地等湯滾起，就可以落牛肉。等到湯差不多滾起，侍應再拎左一碟麵過黎，最估唔到，原來侍應會幫我地煮埋，仲要幫手分好一碗碗，服務超好👍🏻
雖然牛肉和麵就不過不失，味道唔算突出，但擺盤和服務加哂分。
🥢雜錦石鍋飯
石頭鍋飯一上枱，侍應問我們要多少辣，然後幫我們因應我地食辣的程度，落辣醬，會幫我們攪拌石鍋飯。又係一個服務滿分💯的菜式。石鍋飯的食材就都係不過不失，但石鍋飯超多飯焦，食到最後個石鍋都仲好熱，非常保溫。
🥢泡菜煎餅
最後的泡菜煎餅就最平平無奇，味道一般，泡菜味欠奉，唯一可取就係夠脆。
最估唔到，食到最後，侍應仲拎左一碟橙，作為飯後果，真心超驚喜。
總括而言，新寶羅的體驗超滿分，但食物質素不過不失。如果去銅鑼灣，唔想等位，又想要坐得舒服的餐廳，新寶羅都係一個唔錯既選擇。
牛肉鍋自製麵
$295
74 瀏覽
0 讚好
0 留言
雜錦石鍋飯
$150
50 瀏覽
0 讚好
0 留言
泡菜煎餅
$155
19 瀏覽
0 讚好
0 留言
張貼
