御滿屋日本料理

營業中

休息中

之前食開樓上嘅放題，諗住樓下嘅質素可能差唔多又見佢貴啲會有蟹腳食就諗住試吓，一試到就中伏，首先Menu同埋出面嘅套餐唔一樣，我哋入座之後佢提供嘅食物同Menu上面唔一樣，蟹腳又缺貨,冇得叫。其次佢哋嘅嘢食真係好難食，用嘅牛肉唔知係咩質素，個樣同大家樂嘅早餐牛扒一模一樣，居然仲會韌到食唔開，牛舌都係一樣完全咬唔開，各種海鮮例如薑蔥炒蟹避風塘帆立貝之類嘅食物都係鈉含量超標，食完要飲幾樽水嚟漱口，啲蠔有細隻又唔新鮮，啲燒蝦嘅殼黐喺上面完全剝唔到落嚟。最重點係啲串燒嚟得又慢，嗌咗雞軟骨，由頭到尾完全冇上過。我可以話成餐飯除咗個鰻魚之外冇樣嘢好食。仲要每人人均四百幾蚊。呢一間餐廳我以後都唔會再嚟，如果要俾四百幾蚊可以有更好嘅選擇。