影片
更多
2023-12-01
1513 瀏覽
💁♀️💁♂️ 16/11/2023(Thu), Dinner🍽食過炮台山嘅Churros之後，💁♀️為食妙妙同💁♂️A先生慢慢行去天后方向搵食。我哋兩個人都唔太肚餓，經過見到呢間八寶清湯腩🍜都唔錯，一於今晚就食清湯腩🍜啦！餐廳格局就如一般粉麵店，店舖不太大但坐得都尚算舒服。除咗主打嘅清湯腩，佢哋仲有一般魚蛋、丸類等提供。而今晚我地order咗：🔆 清湯蘿蔔爽腩麵🍜（$93）對於呢碗爽腩，💁♂️A先生係表示不爽嘅🙅🏻♂️。爽腩筋膜嘅部份比例好小，雖然筋膜食落都算爽滑，而肉嘅部份都腍滑有肉味，食落唔黏牙，始終筋膜比例唔高令到食落唔夠滿足。始終都係懷念之前大埔群記嘅爽腩，高質之餘性價比高。清湯蘿蔔唔唔腍，亦都唔夠清甜，食咗一舊就放棄咗🙅🏻♂️。湯底方面藥材味濃，清澈唔油膩，入口順喉舒服。幼麵都煮得爽口彈牙，平常清湯腩A先生多數會配伊麵，但店方並無提供。不過無都係好事，始終感覺呢個湯底同伊麵唔會太搭配。🔆 清湯蘿蔔牛寶米粉（坑腩、爽腩、崩沙腩）（$123）💁♀️為食妙妙嘅牛寶米都同樣，爽腩繼續係食得不爽嘅。坑腩入口牛味濃郁，入味而不黏牙。崩沙腩帶筋膜，入口腍滑有肉香。至於米粉就正正常常，無乜特
💁♀️💁♂️ 16/11/2023(Thu), Dinner🍽
食過炮台山嘅Churros之後，💁♀️為食妙妙同💁♂️A先生慢慢行去天后方向搵食。我哋兩個人都唔太肚餓，經過見到呢間八寶清湯腩🍜都唔錯，一於今晚就食清湯腩🍜啦！
餐廳格局就如一般粉麵店，店舖不太大但坐得都尚算舒服。除咗主打嘅清湯腩，佢哋仲有一般魚蛋、丸類等提供。
而今晚我地order咗：
🔆 清湯蘿蔔爽腩麵🍜（$93）
對於呢碗爽腩，💁♂️A先生係表示不爽嘅🙅🏻♂️。爽腩筋膜嘅部份比例好小，雖然筋膜食落都算爽滑，而肉嘅部份都腍滑有肉味，食落唔黏牙，始終筋膜比例唔高令到食落唔夠滿足。始終都係懷念之前大埔群記嘅爽腩，高質之餘性價比高。
清湯蘿蔔唔唔腍，亦都唔夠清甜，食咗一舊就放棄咗🙅🏻♂️。湯底方面藥材味濃，清澈唔油膩，入口順喉舒服。
幼麵都煮得爽口彈牙，平常清湯腩A先生多數會配伊麵，但店方並無提供。不過無都係好事，始終感覺呢個湯底同伊麵唔會太搭配。
🔆 清湯蘿蔔牛寶米粉（坑腩、爽腩、崩沙腩）（$123）
💁♀️為食妙妙嘅牛寶米都同樣，爽腩繼續係食得不爽嘅。坑腩入口牛味濃郁，入味而不黏牙。崩沙腩帶筋膜，入口腍滑有肉香。
至於米粉就正正常常，無乜特別。
🔆🔆🔆🔆🔆🔆🔆🔆🔆🔆🔆🔆🔆
❤🙆♂️(A先生)整體食評：6/🔟
❤🙆♀️(為食妙妙)整體食評：7/🔟
👉🏻 可以一試但不要期望太高，性價比不太高
A先生車友指數 🚗
🛣️ 交通容易指數：🚗🚗🚗🚗(4/5)
🅿️ 泊車容易指數：🚗🚗🚗🚗🚗(5/5)
👉🏻 天后地鐵站上蓋有停車場🅿️，不遠處既維園泳池有大量錶位🅿️，只要唔係維園有展覽/活動，不難搵到泊位。
👉🏻 天后地鐵站過嚟都唔使5分鐘路程，地鐵、巴士、電車、甚至小巴都有唔少選擇
🔆🔆🔆🔆🔆🔆🔆🔆🔆🔆🔆🔆🔆
張貼
