村爺爺車仔麵 (已搬遷) 新店位置

前排食過呢間分享下少少感想:1,首先想講落單程序好奇怪，通常車仔麵都係用紙筆圈自己想要既麵同餸，但呢度係入坐前要喺舖外面直接叫，但有啲好普通既餸要留意係要另外加錢（e.g: 魚皮餃 ）同埋係四餸一麵先有飲品送，個牌唔夠清晰以為三餸一麵都有野飲2,食物質素方面，主打既龍蝦湯底比較失望，味道似湯粉溝出黎，冇乜鮮味，同平時西餐廳既龍蝦湯完全唔同風格，同埋因為龍蝦湯比豬骨湯貴，期望越大，失望越大3,服務方面，本身就預左唔會太好架喇，因為餐牌指示唔太清楚，所以比較多問題，例如問阿姐邊啲餸要額外加錢，就被唔耐煩既態度回應：「紫色碗啊」，然後其實一時三刻我根本分唔到紫色碗入面係咩餸，希望真心可以改善下呢種落單方式，起碼知道叫完碗麵自己要比幾錢。