黃金雞 (已結業)

呢間餐廳位於鰂魚涌一個非常之隱蔽嘅私人屋苑附近 喺foodpanda睇吓有乜嘢外賣自取見到距離屋企唔算遠 晚餐用$50嘅價錢買咗一個黃金雞併泰式豬手飯連雞湯 雞肉超嫩滑無骨無異味 超級高質好食過出邊買$90嗰啲 泰式豬手亦都好正常 同一般泰國餐廳差唔多 $50嘅價錢食到咁樣嘅雙拼性價比超高😂海南雞嘅醬汁有兩種一種係甜豉油一種係辣醬 辣醬係特別既 出邊比較少見味道都好 甜豉油係薄身既 質素一般 飯底係黃姜飯 個雞湯就正正常常 如果喺附近返工同埋附近嘅居民絕對可以多d去 專登要去試菜嘅就應該唔使 因為地點真係好隱蔽😂總括嚟講都係大推呢間黃金雞 平民恩物小店 支持！