影片
更多
2018-09-16
1169 瀏覽
今晚約咗朋友去土瓜灣食飯， 返嚟行去唔知食乜好， 最後就入咗呢間囍慶藝廚酒家。放工已經攰到死，根本就唔想諗叫乜嘢餸。見到有二人餐而且仲有8餸1炒飯，梗係即叫啦。啲餸都要等耐少少先至嚟，唔通係因為賽馬日~上湯焗龍蝦伊麵，每人半隻開邊，二人分量嚟計， 龍蝦唔算十分細隻，伊麵熱辣辣幾好食。如果有得選擇芝士焗龍蝦就更加好啦~豉汁蒸元貝2隻，唔好睇佢細細隻， 豉汁既味道真係唔錯。白灼生猛海蝦4隻，大細同埋味道都係一般水平，不過不失啦~清蒸海上鮮，侍應話係倉魚，但係我覺得有少少似立魚。但係不論魚嘅品種，成條魚的確係滑嫩同埋新鮮既，比較滿意。酥炸大生蠔2隻，都幾香口同埋脆嘅。油鹽水浸花甲，同埋粉絲配埋一齊都鮮味喎，粉絲配飯都可以。紅燒王子鴿一隻，每人食半邊啱啱好，色水雖然係一般，但可能炸完後即刻攞出嚟，所以層皮都幾香脆。食完炸曬嘢嚟返一個金銀蛋浸菜苗就啱啱好喇，菜都幾新鮮吖，配皮蛋鹹蛋真係冇得輸炒飯有少少特別，係蝦仁炒飯炒完之後先會將提子乾同埋蔥花灑係上面，食落甜甜地都幾得意。最怕浪費食物，有成8樣餸，起初都有少少擔心食唔曬，好彩分量控制得好，兩個男人絕對食得曬。兩個人，八樣餸，一碟炒飯，包埋茶芥，
放工已經攰到死，根本就唔想諗叫乜嘢餸。見到有二人餐而且仲有8餸1炒飯，梗係即叫啦。
啲餸都要等耐少少先至嚟，唔通係因為賽馬日~
上湯焗龍蝦伊麵，每人半隻開邊，二人分量嚟計， 龍蝦唔算十分細隻，伊麵熱辣辣幾好食。如果有得選擇芝士焗龍蝦就更加好啦~
豉汁蒸元貝2隻，唔好睇佢細細隻， 豉汁既味道真係唔錯。
白灼生猛海蝦4隻，大細同埋味道都係一般水平，不過不失啦~
清蒸海上鮮，侍應話係倉魚，但係我覺得有少少似立魚。但係不論魚嘅品種，成條魚的確係滑嫩同埋新鮮既，比較滿意。
酥炸大生蠔2隻，都幾香口同埋脆嘅。
油鹽水浸花甲，同埋粉絲配埋一齊都鮮味喎，粉絲配飯都可以。
紅燒王子鴿一隻，每人食半邊啱啱好，色水雖然係一般，但可能炸完後即刻攞出嚟，所以層皮都幾香脆。
食完炸曬嘢嚟返一個金銀蛋浸菜苗就啱啱好喇，菜都幾新鮮吖，配皮蛋鹹蛋真係冇得輸
炒飯有少少特別，係蝦仁炒飯炒完之後先會將提子乾同埋蔥花灑係上面，食落甜甜地都幾得意。
最怕浪費食物，有成8樣餸，起初都有少少擔心食唔曬，好彩分量控制得好，兩個男人絕對食得曬。
兩個人，八樣餸，一碟炒飯，包埋茶芥，四百幾蚊又唔算貴喎。 雖然味道同埋賣相唔係乜嘢酒店質素， 但係性價比係非常之高。如果放工攰攰哋 ，唔想煩惱諗食乜嘢，但係又想大堆頭，呢度係好好嘅選擇。
張貼
