椈 (已結業)

已食過好幾次，今次第一次寫依間嘅評語。從前依條街入面好多餐廳，係中環食飯其中一個選擇，不知從幾時開始，只得返一兩間，所以即使依間餐廳開左都唔會太多人。小店只有大約十幾二十個位，一位師傅及1至2位員工，但每一位都非常親切。今日我食的係午餐，配上餐前小食和麵豉湯，主食係秘制牛舌飯。秘制牛舌飯的牛舌和野菜切條一齊炒，大小剛剛好，非常方便食用，味道方面不會太濃，加上微辣非常惹味，份量方面也不錯，不多也不少。午餐價錢大部分都只係一百蚊或以下，非常超值，但此餐廳不適合希望有舒適環境的朋友。