丼吉日式吉列豬排專門店 (又一城)

營業中

休息中

見佢冇乜評價所以我想貢獻下😆成間嘢都係食日式吉列丼飯，淨係炸豬扒都有好幾款，另外仲有炸蝦炸蠔等等。Menu入邊有多款套餐，先講最平嘅吉列豬扒定食就已經要$198。仲有上級同埋極上等等等級，就由二百幾到三百幾不等。我叫咗一個最平嘅吉列豬扒定食$198同埋第二平嘅吉列上級豬扒定食$228，兩者分別不大，只係貴啲嘅肉多少少（圖片右邊係上級）。兩個都係套餐有跟飯、椰菜絲、麵豉湯、小菜（青瓜）同埋飯後西瓜。其中白飯同埋椰菜係可以不停添加嘅，椰菜絲好清甜，有兩種醬汁可以落。味道正正常常，但係唔會覺得好驚喜，仲要加一，計埋二百幾蚊一個豬扒飯，實在唔多抵食，所以試一次就夠。