URBAN Café Commune (屯門市廣場) (已結業)

環境都幾舒服，屬於開放式餐廳，食飯既時候會見到商場既人行過。入座時已講明90分鐘用餐時間。龍蝦湯龍蝦湯，充滿濃郁既龍蝦味，惹味，有2粒龍蝦肉。海鮮意大利燉飯($188)Menu上係寫有虎蝦、帶子同青口，但上菜時就唔見有虎蝦。問左侍應，原來係虎蝦賣哂，帶子同青口既量有俾多左。如果落單既時候提醒下會更貼心。2粒帶子同4隻青口煎過，好香口，有咬口，帶子比青口好味。成個意大利飯都充滿淡淡芝士味，飯中有d肉碎，增加口感。蕃茄龍蝦汁，開頭覺得好酸，但愈食愈入口，幾好食。(個人口味: 3.7/5)抹茶蛋糕(+$18)抹茶蛋糕充滿淡淡既綠茶味，無乜特別。可能我鐘意甜d既蛋糕。下次有機會試下其他蛋糕。(個人口味: 3/5)凍桃汁，有d蜜桃味。總結：食物質素ok，最抵就係加$18有件蛋糕，但主菜性價比低。