影片
更多
2016-11-19
1207 瀏覽
生日的朋友想試德美，所以一行5人訂檯幫朋友慶生，對價錢亦沒有太大考慮。食得日本野，刺身壽司少不了，原本諗住有拼盤就唔駛煩揀咩食，點知星期六日及假期無壽司拼盤，唯有散叫啦。叫左赤貝，三文魚，帶子，甜蝦等等既大路野，赤貝爽口，帶子都幾厚身，預期之內既水準。之後清酒煮蜆，蜆無沙，食落好juicy，只有一隻唔開口，算係相當唔錯。食到呢度，對德美既感覺都仲幾唔錯，點知當刺身盛-德 上菜時，真心好失望。呢個刺身拼盤盛惠$518，有兩片加拿大海膽，有兩片大拖羅，朋友話大拖羅食落幾oily，但整個刺身盛俾我既感覺實在非常無heart, 就咁砌上碟就算，連食海膽既匙更仔都無俾事前無問魚類有幾多片係我地問題，不過呢個價錢俾一碟咁既野我，性價比超低。食完刺身之後大定心情都麻麻，都無再影相了，仲有個蝦天婦羅，泡菜豬肉鍋，炸蠔，呢啲packing野，唔會點樣出錯。到埋單上甜品，係芒果味奶凍，其實味道唔差，不過竟然食到張半張牙籤套亦好彩只係牙籤套，如果係牙籤，個口實損。。。雖然店員做左9折俾我地，埋單$1718，人均消費$340，都算係中等消費卦，依家香港地搵食艱難，難得對自己好啲都遇上食到牙籤套呢啲情況，真係唔
食得日本野，刺身壽司少不了，原本諗住有拼盤就唔駛煩揀咩食，點知星期六日及假期無壽司拼盤，唯有散叫啦。
叫左赤貝，三文魚，帶子，甜蝦等等既大路野，赤貝爽口，帶子都幾厚身，預期之內既水準。
之後清酒煮蜆，蜆無沙，食落好juicy，只有一隻唔開口，算係相當唔錯。
食到呢度，對德美既感覺都仲幾唔錯，點知當刺身盛-德 上菜時，真心好失望。呢個刺身拼盤盛惠$518，有兩片加拿大海膽，有兩片大拖羅，朋友話大拖羅食落幾oily，但整個刺身盛俾我既感覺實在非常無heart, 就咁砌上碟就算，連食海膽既匙更仔都無俾事前無問魚類有幾多片係我地問題，不過呢個價錢俾一碟咁既野我，性價比超低。
食完刺身之後大定心情都麻麻，都無再影相了，仲有個蝦天婦羅，泡菜豬肉鍋，炸蠔，呢啲packing野，唔會點樣出錯。
到埋單上甜品，係芒果味奶凍，其實味道唔差，不過竟然食到張半張牙籤套亦好彩只係牙籤套，如果係牙籤，個口實損。。。
雖然店員做左9折俾我地，埋單$1718，人均消費$340，都算係中等消費卦，依家香港地搵食艱難，難得對自己好啲都遇上食到牙籤套呢啲情況，真係唔知講咩好。食物質素中規中矩，不過唔會特別推薦大家食，呢個價錢，相信其他日本餐廳能提供到更好既質素。
壽司
37 瀏覽
1 讚好
0 留言
刺身盛-德
$518
26 瀏覽
0 讚好
0 留言
清酒煮蜆
$64
24 瀏覽
0 讚好
0 留言
張貼
