影片
更多
2024-05-14
1650 瀏覽
呢個名銜呢個價錢，但係呢個質素今次體驗就普普通通普通服務環境當然係五星！ 不過食物質素就比較麻麻，比起好多中菜或者中菜小店都略為遜色百花蝦多士拼陳醋小黃瓜海蜇頭Deep Fried Prawn Toast & Jelly Fish with Cucumber served with Black Vinegar蝦多士好香脆，陳醋小黃瓜海蜇頭個調味唔錯，海蜇頭質素爽口，呢個比較中上高湯蟹肉燴官燕Braised Bird's Nest Soup with Crab Meat in Superior Soup呢個係最大份嘅一味餸，不過係湯嚟嘅，有好多蟹肉同官燕，味道平平，不過我唔係好識食官燕唔識評價特級花膠扣鵝掌Braised Fish Maw with Goose Web Served in Abalone Sauce炆得好腍好入味，不過啲花膠唔係我哋平時認知嘅，食完之後發覺佢應該走過油，唔係嗰種好煙靭嘅口感 比較薄身同埋質素下啲乾燒北海道帶子皇伴鍋巴Sautéed King Size Scallops in Spicy Sauce served with Crispy Ric帶子好大粒！但
百花蝦多士拼陳醋小黃瓜海蜇頭
Deep Fried Prawn Toast & Jelly Fish with Cucumber served with Black Vinegar
蝦多士好香脆，陳醋小黃瓜海蜇頭個調味唔錯，海蜇頭質素爽口，呢個比較中上
高湯蟹肉燴官燕
Braised Bird's Nest Soup with Crab Meat in Superior Soup
呢個係最大份嘅一味餸，不過係湯嚟嘅，有好多蟹肉同官燕，味道平平，不過我唔係好識食官燕唔識評價
特級花膠扣鵝掌
Braised Fish Maw with Goose Web Served in Abalone Sauce
炆得好腍好入味，不過啲花膠唔係我哋平時認知嘅，食完之後發覺佢應該走過油，唔係嗰種好煙靭嘅口感 比較薄身同埋質素下啲
乾燒北海道帶子皇伴鍋巴
Sautéed King Size Scallops in Spicy Sauce served with Crispy Ric
帶子好大粒！但係唔知點解發覺呢度嘅菜式好鍾意用油去烹調，呢粒咁大嘅帶子佢煎炸有啲浪費 而且為呢餐飯加上油膩感
翡翠炒大蝦球
Sautéed Prawn & Vegetable
呢個唔記得影相，但係都係非常立立令，油分完全遮蓋下嘅味道，雖然佢一定唔係新鮮蝦 亦都唔係太有蝦鮮味，甜豆都非常油膩 廚師好似好鍾意用猛烈油份去煮
龍蝦湯海鮮讚岐烏冬
Sanuki Udon with Assorted Seafood served with Lobster Bisque
呢個烏冬同我認知嘅有啲出入，應該係乾烏冬麵條煮成，再加上油炸過嘅斑塊，雖然大家會覺得好香口，但係佢成餐飯會變咗每碟菜式都真係用深煎或者炸新鮮嘅菜式，唔應該下下都咁樣整… 而且會令到成餐飯好膩
楊枝甘露
Chilled Mango Cream with Pomelo & Sago
成餐最好味就係呢個楊枝甘露！唔會太甜，而且有好多西柚芒果，有輕微解油膩嘅感覺
波士雙式美點The Boss's Petit Fours
鳳梨酥同埋唔知乜嘢奶凍，幾好味～
呢度嘅環境當然好，不過去廁所有啲遠同埋迷宮！呢度嘅侍應服務，但係佢哋好似返緊厭惡性工作咁🤣唔會有嗰種五星級嘅感覺，有求必應但係就冇一種親切感，感覺佢都係為咗滿足老闆🤣
張貼
