影片
更多
2021-11-20
34 瀏覽
位置起中港城平台 比較清靜 好舒服2:00黎食 估唔到仲好多人 越坐越多人添🙈舖頭都幾大 有一排窗口位 不過大家如果想坐就記得要book位！有lunch menu 選擇好多 每個餐都包小食 前菜 飲品 全部$100之內餐廳用QR code 落單 幾方便 落完單好快就上菜▶️滑豆腐金菇蕃茄湯台灣麵 ($58)原先係配米線 但係其實大家可以轉嘅湯底都可以改清雞湯或加錢轉辣湯底份量大 個碗都大過人😂材料好足 好豐富 每碗都有啲勁大嘅蘿蔔做配料滑豆腐即係山水豆腐 佢切到一粒粒長方形咁 勁在啲豆腐唔易散 食落都仲好滑嫩 又好香豆味😮有成十幾粒平時比較少見呢個豆腐配麵既组合 但係呢個又ok喎🍅蕃茄湯底非常濃郁 用真材實料蕃茄煲出嚟 所以比較杰身 蕃茄味好出 少少甜甜地 唔酸 鹹度適中 不過個人覺得有少少油 一開始以為係辣油黎🙈🍜台灣麵口感好好 佢唔係刀削麵 呢個係幼身嘅 食落似拉麵同上海麵混合體 質感幾彈牙 同時勁索汁所以每條麵都掛住濃厚嘅蕃笳湯一齊入口😋好好味 食到停唔到口🍄金菇好在唔會痴牙 又唔會好大束 好難咬 食落幾爽 配麵唔錯整體成個麵好好食 好滿意👍🏻▶️小食+前菜前菜係醃雲耳 好開胃 口感
2:00黎食 估唔到仲好多人 越坐越多人添🙈
舖頭都幾大 有一排窗口位 不過大家如果想坐就記得要book位！
有lunch menu 選擇好多
每個餐都包小食 前菜 飲品 全部$100之內
餐廳用QR code 落單 幾方便
落完單好快就上菜
▶️滑豆腐金菇蕃茄湯台灣麵 ($58)
原先係配米線 但係其實大家可以轉嘅
湯底都可以改清雞湯或加錢轉辣湯底
份量大 個碗都大過人😂
材料好足 好豐富 每碗都有啲勁大嘅蘿蔔做配料
滑豆腐金菇蕃茄湯台灣麵
$58
0 瀏覽
0 讚好
0 留言
滑豆腐即係山水豆腐 佢切到一粒粒長方形咁 勁在啲豆腐唔易散 食落都仲好滑嫩 又好香豆味😮有成十幾粒
平時比較少見呢個豆腐配麵既组合 但係呢個又ok喎
🍅蕃茄湯底非常濃郁 用真材實料蕃茄煲出嚟 所以比較杰身 蕃茄味好出 少少甜甜地 唔酸 鹹度適中
不過個人覺得有少少油 一開始以為係辣油黎🙈
🍜台灣麵口感好好 佢唔係刀削麵 呢個係幼身嘅 食落似拉麵同上海麵混合體 質感幾彈牙 同時勁索汁所以每條麵都掛住濃厚嘅蕃笳湯一齊入口😋好好味 食到停唔到口
🍄金菇好在唔會痴牙 又唔會好大束 好難咬 食落幾爽 配麵唔錯
整體成個麵好好食 好滿意👍🏻
▶️小食+前菜
前菜係醃雲耳 好開胃 口感唔錯
小食三揀一: 滷水蛋 滷水豆腐 上湯浸時菜
我哋兩個餐 所以揀咗蛋同菜
上湯浸時菜係小唐菜 都幾好食 咬落清脆 清得嚟夠味🥬
滷水蛋就麻麻哋 賣相已經唔太好 一碟有兩隻 底有大豆芽菜 但係滷水味唔夠重 只係食到微甜嘅蛋
蛋白就比較淋身 所以感覺好普通 冇台灣嘅味道🥚
▶️茉香綠茶🍵
跟餐唔洗加錢 即使係簡單一杯茶賣相都好好
可以揀正常 少糖 半糖 走糖
我揀半糖 飲落甜度啱啱好 仲好清身茉香味 亦唔會飲到綠茶嘅苦澀
茉香綠茶
0 瀏覽
0 讚好
0 留言
▶️凍芝士奶蓋烏龍茶(+10)
好大杯 同出面買一樣size 只係呢度加$10就飲到
呢個少糖 甜度都ok
但係略嚴佢芝士奶蓋味唔夠香 冇乜嗰種鹹鹹地嘅味
不過原先個茶係好飲嘅 有仲清香味
凍芝士奶蓋烏龍茶
2 瀏覽
0 讚好
0 留言
▶️酥炸排骨配蕃茄湯麵 ($73)
份排骨好大份 呢個係屋企人叫嘅 我冇試 不過佢話炸得好香脆
唔會好厚一層粉 同埋炸得比較乾身 所以食落唔油膩🍖
-
整體來講幾高質嘅台灣菜 主食麵類好味 不過可能小食個滷水蛋可以改善下
環境好舒服 裝修佈置好少女 有個花花牆比大家打卡🌺又採用湖水綠色系
坐窗邊更加舒服 可以望出去平台風景
聽講之後仲會設有戶外坐位
連佢隻前菜碗都好靚😂
服務ok嘅 個老闆幾nice 原來佢地起德輔道中近西營盤地鐵站都有間外賣店
性價比超高 冇加一 所以我今餐$60有找❗️仲要有前菜 小食 飲品 碗麵又咁足料 份量夠飽之餘 好食
咁嘅質素起邊度搵 仲要起尖沙咀添🤤
另外見佢做緊呢個大閘蟹任食優惠 唔怪得知後面枱客係咁食蟹😂一碟又一碟 成枱蟹 一開始嚇親不過如果大家鍾意食蟹可以試試🦀
張貼
