焼肉スマイル (燒肉smile)

餐廳服務員嘅服務態度良好，好快帶咗我地入位，又將唔同的套餐的分別介紹得好清楚，需要換燒烤網或點餐遇到因難時，員工都很快咁幫我地，態度十分nice!!食物方面，款食好多。我地叫咗厚薄切/角切牛舌、牛肋條、牛扒、牛五花腩、松阪豬、豚五花、雞翼、雞膝軟骨、北寄貝、蝦。啲肉都好新鮮，肉質好腍，啲牛都好重牛味，最中意佢個牛舌同牛五花腩，牛舌本身切嘅厚度啱啱好，唔會話太薄，因為食返佢本身有嘅口感，牛五花腩嘅油脂分布得都好平均，食落都覺得好香。而豬方面佢個松板豬簡直正到不得了！豬好容易一燒過咗火候就好硬，但雖然我哋燒燶咗少少，但居然佢嘅肉質都完全冇變，都仲係好腍，同埋好juicy！雞軟骨就食得多，而雞膝軟骨就真係第一次食，口感好特別，值得一試！佢嘅蝦同北寄貝都好新鮮。而除咗menu上面的食物，自助吧亦有好多唔同款嘅食物，韓式小菜、肉、菜、醬汁。試咗佢啲韓式小食，味道都唔錯。另外仲叫咗佢甜品，黑糖白玉奶酪同草莓奶酪。甜品都唔錯，黑糖白玉奶酪有少少似珍珠奶茶嘅味道，而草莓奶酪就酸酸甜甜咁，食完解咗食太多肉嘅油膩感。呢餐性價比十分高！有夠飽，食物又有質素！