影片
更多
2022-07-01
320 瀏覽
日本產特選黑毛A5和牛 $689日本產黑毛A3和牛(赤身肉) $529店員推介我地試依兩個壽喜燒set包括前菜拼盤，白飯，野菜鍋，烏冬及甜品，講真依個價錢真心十分超值，點解⁉️睇下我以下既介紹啦😌前菜擺盤美觀吸引，分別係日本產蕃茄、岩手縣生蠔配三文魚籽、和牛他他及柚子蘿蔔。🦪店員指示要由最右的日本產蕃茄開始食，因為味道係由淡至濃🤓 一口吞下肥美既岩手縣生蠔，絕無腥味同時鮮味衝擊味蕾，再咬開爆汁三文魚籽，鮮味十足!! 利申我係第一次食生蠔，感覺一試愛上😍🐂A5和牛他他肉質鮮嫩，入口即化口感軟綿綿，酸甜既醬汁好開胃，配上鵪鶉蛋汁，和牛他他更感幼滑😋日本產特撰黑毛A5和牛主角A5和牛出場啦❣️雖然每碟得3塊，不過每塊都好大塊，仲有專人在旁為客人烹煮，一邊"席前煮"一邊講解，十分專業😎 佢會先詢問客人喜歡煮到幾成熟，亦有講解A5和牛脂肪比例較多，適宜煮耐一點😌 倒入壽喜燒汁，再將A5和牛翻弄，令和牛平均吸收壽喜燒汁，溢出濃烈嘅焦糖香味，令人食指大動，亦提升A5和牛既色香味!! 日本產黑毛A3和牛A3和牛望落比A5和牛赤身，店員建議唔好煮太熟，因為呢款牛脂肪比例無咁多!! 食落牛味更濃，入口即化，再
日本產黑毛A3和牛(赤身肉) $529
店員推介我地試依兩個壽喜燒set包括前菜拼盤，白飯，野菜鍋，烏冬及甜品，講真依個價錢真心十分超值，點解⁉️睇下我以下既介紹啦😌
前菜擺盤美觀吸引，分別係日本產蕃茄、岩手縣生蠔配三文魚籽、和牛他他及柚子蘿蔔。
🦪店員指示要由最右的日本產蕃茄開始食，因為味道係由淡至濃🤓 一口吞下肥美既岩手縣生蠔，絕無腥味同時鮮味衝擊味蕾，再咬開爆汁三文魚籽，鮮味十足!! 利申我係第一次食生蠔，感覺一試愛上😍
🐂A5和牛他他肉質鮮嫩，入口即化口感軟綿綿，酸甜既醬汁好開胃，配上鵪鶉蛋汁，和牛他他更感幼滑😋
日本產特撰黑毛A5和牛
主角A5和牛出場啦❣️雖然每碟得3塊，不過每塊都好大塊，仲有專人在旁為客人烹煮，一邊"席前煮"一邊講解，十分專業😎 佢會先詢問客人喜歡煮到幾成熟，亦有講解A5和牛脂肪比例較多，適宜煮耐一點😌 倒入壽喜燒汁，再將A5和牛翻弄，令和牛平均吸收壽喜燒汁，溢出濃烈嘅焦糖香味，令人食指大動，亦提升A5和牛既色香味!!
日本產黑毛A3和牛
A3和牛望落比A5和牛赤身，店員建議唔好煮太熟，因為呢款牛脂肪比例無咁多!! 食落牛味更濃，入口即化，再沾蛋汁同配白飯食，口感層次豐富😋 細心既店員推薦可以沾山椒粉、青檸粉、柚子粉，以減少肥膩感!!
野菜鍋
野菜鍋係2人份量，鍋內有豆腐、冬茹、皇帝菜、大葱、洋蔥、胡蘿蔔、南瓜同年糕福袋。店員用鰹魚汁同壽喜燒汁烹煮蔬菜，所有日本產蔬菜都新鮮好味，而醬汁提升左蔬菜既鮮味🤩 最後仲會放入烏冬，烏冬吸收曬所有精華，如果唔係飽到上心口，一定會追加烏冬🤭
甜品方面有和菓子、抹茶蕨餅、紅豆蓉，食完相對濃味既壽喜燒，食番較為清甜既甜品，可以平衡番味覺🙂 今餐真係十分滿意，無論係食物定服務，都好出色，一定會再次光臨💪🏻
張貼
