歐意餐廳 (已結業)

依家四周圍都水靜河飛，個個都抗疫在家，最慘就係仲要返工四周走既人，想舒舒服服食餐飯都越來越困難。要搵地方大能保持安全距離，坐得舒服，冷氣夠又食物選擇多，好彩仲有歐意响附近。午餐由三十幾到五六十蚊，有十幾款選擇。三十幾蚊午餐主打肉燥飯配雞球/豬軟骨/肥牛/雞翼，雖然普通但味道唔錯。四五十蚊選擇比較多，飯/麵/pizza /漢堡/沙律都有，配搭用料同配菜睇得出老闆都幾大方。至於晚餐價格要過百既西冷扒同豬肋骨，午餐唔洗七十蚊就能夠食得到，份量同晚餐差不多。好開心呢個時期仲保持到高水準。