龍鳳號 (裝修中)

-🔸鹽酥雞 $34🔸蔥肉卷 $37🔸大腸麵線 $34🔸豬蝴蝶腩 $78🔸惹味肉燥湯板條 $34-收工同男朋友喺觀塘覓食，入咗好多餐廳集中嘅中海日升中心，見依間龍鳳號個名夠霸氣，裝修又好古色古香就想試試～我叫咗個大腸麵線，大腸份量好多，而且件件都好厚切又夠肥，配埋麵線，好有台灣風味！男朋友食肉燥湯板條，原來係類似粉皮咁，都幾滑幾惹味。因為主食係偏細碗的，就叫多咗幾款小食，鹽酥雞即叫即炸熱辣辣，炸粉薄得嚟夠脆，又大大兜。蔥肉卷係煙肉包住韮菜，再點一個酸辣汁，好開胃。豬蝴蝶腩係男友好奇想試，肉質有少少似牛腩好新奇，估唔到勁大兜對得住價錢。