銀咖哩 (西九龍中心) (已結業)

又要嗌外賣，今次試下呢間銀咖哩。佢嘅選擇都齊，基本嘅豬扒、炸雞、海鮮都有，單點價錢都係$5x-$6x，要跟嘢飲就貴大概$10，今次我揀咗芝士蟹柳蛋包飯，另外朋友就嗌左日式炸雞咖喱飯、芝士照燒雞肉蛋包咖哩飯、照燒雞肉咖喱飯。選擇嘅時候，有得額外揀大辣、地獄辣等等，由於第一次食，唔知佢有幾辣，於是大家都揀咗原味，結論係，原味一啲都唔辣，而且冇乜咖喱香，但入口都還可以，蛋同配料都煮得好食，朋友話炸雞整得唔錯，唔會好多粉，可惜冇影相。另外就係佢用普通發泡膠盒裝住，黎到嘅時候搭到個盒凹晒，賣相真係一般，但食落口又唔太差，以呢個價錢來講，都食得過。