新澳咖啡餐室 (民泰街) (已結業)

今日又同朋友來下紅磡揾下好野食，之前朋友住過紅磡，佢同我講過紅磡幾夜都有揾到野食架，如果我係紅磡住應該都幾大鑊喎，因為我一定會成日去食宵夜⋯⋯我地今日就去左新澳咖啡☕️餐室食下小菜。海鮮🦞叻沙內有勁多海鮮，如魷魚🦑、帶子、蝦🦐等，同埋果湯底好濃，真係幾似我在馬拉食咁正宗⋯⋯川味口水雞呢個雞真係送飯一流，辣到啱啱好，而雞肉好滑👍🏻👍🏻。紅燒豆腐枝竹豆腐魚柳煲呢個餸好有鑊氣，而豆腐同埋啲枝竹好入味，而魚柳炸得外皮好香脆👍🏻。