牛摩+ (新都城中心二期) (已結業)

上次試過極品牛小排午市套餐，質素都唔差既，今次再試多一次，不過就想試下火鍋放題，揀左最平既美國精選牛肉放題，午餐價只係$109，而且免加一，見咁抵所以試下。美國精選牛肉九十分鐘午市放題叫個最便既放題試下，初初仲以為麻麻地，點知又比預期好。牛肉賣相唔錯，色澤好，切得夠薄唔太肥亦唔太瘦，食落牛味唔錯幾爽口，主要食牛，叫左好幾碟，夠哂飽，唔知點解反而比上次更貴既牛小排更好食 !湯底揀博多豚骨濃場，都係正正常常，味道唔差既。自助區火鍋配料都有足夠選擇，有丸有菜有麵有野飲有甜品，但主要食牛都夠啦。